അന്താരാഷ്ട്ര ഫുട്ബാളിൽ നിന്ന് വിരമിച്ച ലയണൽ മെസിക്ക് ആശംസകൾ നേർന്ന് സൂപ്പർ താരം ക്രിസ്റ്റാനോ റൊണാള്‍ഡോ. മെസി സൃഷ്ടിച്ച ചരിത്രം കാലങ്ങളെ അതിജീവിക്കുമെന്നും നേടിയ നേട്ടങ്ങളോട് അതിയായ ബഹുമാനമാണ് ഉള്ളതെന്നും റൊണാള്‍ഡോ പറഞ്ഞു.
‘ലിയോ, വര്‍ഷങ്ങളായി താങ്കള്‍ രാജ്യത്തിനായി പൊരുതുന്നു, ആ ചരിത്രം എക്കാലവും നിലനില്‍ക്കും. അര്‍ജന്റീനക്കൊപ്പം താങ്കള്‍ നേടിയെടുത്തതിനോടെല്ലാം അങ്ങേയറ്റം ബഹുമാനം മാത്രം. എന്റെ ഹൃദയാലിംഗനം സ്വീകരിക്കൂ’ റൊണാള്‍ഡോ ഇൻസ്റ്റാഗ്രാമിൽ കൂട്ടിച്ചേർത്തു.
ലോകഫുട്‌ബോളില്‍ മെസിയും റൊണാൾഡോയും തമ്മിലുള്ള പോരാട്ടം എന്നും ലോകശ്രദ്ധയാകര്‍ഷിച്ചിരുന്നു. ഒരു ദശാബ്ദത്തിലേറെക്കാലം ലോകഫുട്‌ബോളിനെ ഭരിച്ചിരുന്നത്‌ ഇവരായിരുന്നു. മെസിയുടെ ബാഴ്‌സലോണയും റൊണാൾഡോയുടെ റയല്‍ മാഡ്രിഡും നേര്‍ക്കുനേര്‍ വരുന്ന എല്‍ക്ലാസികോ പോരാട്ടവും ചരിത്രം സൃഷ്ടിച്ചു.
മെസിയുടെ വിടപറയല്‍ മത്സരത്തില്‍ ബെനിനെതിരെ അര്‍ജന്റീന എതിരില്ലാത്ത മൂന്ന്‌ ഗോളുകള്‍ക്ക്‌ ജയിച്ചു. ഒരു ഗോളടിച്ചും രണ്ട്‌ ഗോളുകള്‍ക്ക്‌ വഴിയൊരുക്കിയും മെസി പതിവ്‌ പോലെ കളം നിറഞ്ഞു. അതേ സമയം റൊണാൾഡോ അടുത്തിടെ പോർച്ചുഗൽ ജേഴ്‌സിയിൽ നിന്ന് വിരമിക്കൽ പ്രഖ്യാപിച്ചിരുന്നെങ്കിലും തിരിച്ചുവരവിന്റെ സൂചന നൽകിയിട്ടുണ്ട്.
content highlights: cristiano ronaldo special tribute wish lionel messi history message